Համոզված եմ, որ շատերը կցանկանային իրենց աչքերի շագանակագույն գույնը փոխարինել ասենք կապույտով կամ կանաչով: Ձեր երազանքը շուտով կարող է իրականություն դառնալ: «Stroma Medical» կազմակերպության աշխատակից կալիֆոռնիացի բժիշկ Գրեգ Հոմերը ստեղծել է 20 վայրկյանում աչքերի գույնը փոխելու միջոց: «Lyumineyes» անունը ստացած տեխնոլոգիան բաղկացած է լազերից, որն այնպես է մշակված, որ կարողանում է շագանակագույն աչքերը դարձնել ասենք կապույտ կամ էլ կանաչ: Այն հեռացնում է աչքի ծիածանաթաղանթի վերին շերտի շագանակագույն պիգմենտը և հետագա 2-3 շաբաթվա ընթացքում սկսում է առաջանալ երկնագույնը: Սակայն հակառակը տեղի ունենալ չի կարող, քանի որ շագանակագույնը վերականգնվելու հատկություն չունի: Եվ վերջապես բոլորիս տանջող հարցերից մեկը՝ և որքա՞ն արժե այդ հաճույքը: Ընդամենը 4700 ամերիկյան դոլլար:
Ինչ խոսք, շագանակագույն աչքերը ևս շատ գեղեցիկ են, իսկ մենք առանց կապույտ կամ կանաչ աչքերի էլ կապրենք: Եվ վերջապես պետք է հստակ գիտակցել մեկ բան՝ Ձեզ սիրող մարդիկ Ձեր աչքերի գույնին չէ որ սիրահարվելու են, ուղղակի փորձեք լինել ԼԱՎ ՄԱՐԴ և Ձեզ մետ ամեն ինչ կստացվի:
Комментариев нет:
Отправить комментарий