Տիտանիկյան ողբերգությունից 100 տարի անց (Մաս վերջին)

1912թ. ապրիլի 15

«Տիտանիկի» գործողությունները

00:05 - Տրվում է հրահանգ պատրաստել փրկարարական նավակները, կանչել անձնակազմի անդամներին և ուղևորներին հավաքատեղի:

00:15 - «Տիտանիկից» տրվում է առաջին ռադիոհաղորդագրությունը օգնության խնդրանքով: 

00:45 - Արձակվում է առաջին ազդանշանային հրթիռը և ջուր է իջեցվում առաջին փրկարարական նավակը:

01:40 - Արձակվում է վերջին ազդանշանային հրթիռը:

02:05 - Ջուր է իջեցվում վերջին փրկարարական նավակը:

Տեխնիկական փաստաթղթերի զննությունից հետո պարզվում է, որ նավի պաշտպանիչ մետաղը փորձարկվել է միայն երկար ժամանակ ճնշմանը դիմակայելու համար, իսկ դրա հարվածի դիմադրողականություննը լրիվ անուշադրության է մատնվել: Այդ մետաղի որակը բավականին ցածր է գրանցվել, նույնիսկ այն ժամանակների համար: Այդ մետաղը բավականին փխրուն, մեծ քանակի ածխածնային հավելումներից բաղկացած մետաղ էր, որի մեջ շատ էր նաև ծծմբի քանակը: Նման մետաղից կառուցված նավը չէր կարող ուժգին հարվածից որևէ բացվածք ստանալ, այն ուղղակի կփշրվեր, ինչպես ապակի: Կարծիքներ կան նաև, որ եթե «Տիտանիկը հարվածեր այսբերգին դիմային մասով, ելքն այդքան ողբերգական չէր լինի:

Այսպիսով, հետաքննող խմբի եզրակացությունը հետևյալն էր. «Տիտանիկը» խորտակվել է մետաղագործների տեղնիկական բացթողման պատճառով: